Events
Chanukah 5772 – Yiddish in Rishon-LeZion gymnasium
חנוכה תשע"ב – ערב יידיש בגמנסיה הריאלית של ראשל"צ, עם תלמידי ורד קופל ונציגי המרכז
אין דער רעאַלער גימנאַזיע פון ראשון-לציון איז פאָרגעקומען דעם 18טן דעצעמבער אַ ייִדיש-אָוונט לכבוד חנוכה, מיטן אָנטייל פון די פאָרשטייערס פונעם צענטער. די ייִדיש-תלמידים פון דער רעאַלער גימנאַזיע האָבן צוגעגרייט אַ רייכע פּראָגראַם אין ייִדיש, אונטער דער אָנפירונג פון זייער לערערין און דער מיטאַרבעטערין פונעם צענטער ורד קאָפּעל
Outdoor seminar by Dr. Ber Kotlerman, 2010:
Students met the Yiddish poet Alexander Spiegelblatt at his home in Petah-Tikva
סמינר חוץ לספרות יידיש מודרנית בהנחיית ד"ר בר קוטלרמן, תש"ע
סטודנטים נפגשו עם משורר יידיש אלכסנדר שפיגלבלט בביתו בפתח-תקווה
אין גערעם פונעם דרויסן-סעמינאַר פון ד"ר בער קאָטלערמאַן האָבן די סטודענטן באַזוכט דעם פּאָעט אלכסנדר שפּיגלבלאַט אין זײַן פתח-תקווהער דירה. איינער פון די בולטסטע ייִדישע פּאָעטן אין די לעצטע יאָרצענדליקער, אלכסנדר שפּיגלבלאַט איז געבוירן געוואָרן אין 1927 אין בוקאָווינע און בעת דער 2טער וועלט-מלחמה איז פאַרטריבן געוואָרן דורך די נאַציס אין די טראַנסניסטריע-לאַגערן. אָנהייב 60ער יאָרן האָט ער עולה געווען קיין ישראל פון רומעניע. אין משך פון אַ סך יאָרן האָט ער געאַרבעט ווי אַ שטעלפאַרטרעטער פונעם רעדאַקטאָר פון "די גאָלדענע קייט" אברהם סוצקעווער ז"ל, ביז דער זשורנאַל האָט זיך פאַרמאַכט אין די 90ער יאָרן. ער איז אַ מחבר פון אַ טוץ ביכער. זײַן לעצטע בוך "געטונקען אין האָניק-צער" איז אַרויס אין 2009. אלכסנדר שפּיגלבלאַטס ווערק זײַנען איבערגעזעצט געוואָרן אויף עברית, דײַטש, ענגליש, רוסיש, רומעניש און אַנדערע שפּראַכן
דאָס לשון פון שטומקיים
איך בין דאָך אַליין
אַ פּינטל אין איר
מײַן טאַטנס זייגערלעך
וואַלגערן זיך אין שופלאָד
ווי אויסגעדינטע זעלנער
פונעם קייסערס חייל